نشسه من دلم چهل سال غم بی كوله بار امشو


كنم فریاد و اویلا ز دس روزگار امشو





نديدم مو جووني و نبردم عیش وی عمرم


نكرده سي مو فرقي هیچ امسالم وپار امشو خدایا نی چه بد کردوم غریب بی کس ابیدم


نشسه من دل کم طاقتم غم بی شمارامشو





گل سرخي نديدم من خزون دل وعمر خوم


همه ش چشم انتظارم كي بيا فصل بهار امشو





دلم تنگه وغمم سنگین هواسم پرت وابیده


مثيكه رهته زيرناخونم خار كُنار امشو





مودونم رنج و درد و غصه مال خوم تینا ني


وسی خلق خدا درد دل موبي شمار امشو





چقه بايد بوينم حق کشی و جور من اي دنیا


زمین تاریک وابی داد از ای گردوغبارامشو





ندارم دلخوشي هيچي زمین وابیده زندونم


قِدُم وابی هلال ای درد و روحم من فشار امشو





ندارم طاقت وصبری بیووارس وفريادم


کمر داغون ودل پر خین سرم خل زير بار امشو





دلم غرفون گورو که مو قربون چم و جوبال


موسرریز غم ابیدم ندارم غمگسار امشو





مشی سانه بگوبونگ اذونت نیرسه من ده


ویادم اومده او چشمه و مشک و ملار امشو





وخودیدم که رهتم سی بلی بی دی وسیم ایگو


بسونم سی کرم بی پیللش شال وقطار امشو





و کو رهتی بیو بو تیم بشی مردم خدا دونه


بگو سیم داستان رستم و اسفندیار امشو





وعزرائیل بگیتو تا بیا راحت کنه جونم


ککایل هرکی بی بیلش بیایه سر مزار امشو





خدایا مات و مبهوتم مو نونم چیکنم سی خم


دو تا پامه پیاده ایبره سرمه سوار امشو